كيف تبدأ التسويق العقاري على السوشل ميديا بدون خبرة؟

 كيف تبدأ التسويق العقاري على السوشل ميديا بدون خبرة؟

مع تطور السوق، صار الظهور في السوشل ميديا جزء مهم لأي مسوق عقاري. وبصراحة… كثير ناس يبغون يدخلون المجال، لكن ما يعرفون من وين يبدأون أو وش أول خطوة يسوونها. والشي المريح إن الموضوع أسهل مما تتوقع لو عرفت الأساسيات واشتغلت عليها بشكل صحيح.

أول شيء لازم تفهمه: الناس ما تشتري عقار من إعلان بس… الناس تشتري من شخص تثق فيه. وهذا هو اللي يخلي وجودك في السوشل ميديا مهم.

سواء كنت مبتدئ أو ما عندك خلفية قوية، تقدر تبني حضور ممتاز إذا ركّزت على المحتوى الصحيح.

أبسط خطوة تبدأ فيها هي إنك تسوي تغطيات بسيطة للعقارات اللي تشوفها حولك. مو لازم كاميرا احترافية… جوالك يكفي. صوّر المكان مثل ما تشوفه، وخل كلامك طبيعي وواضح. الهدف إن المتابع يحس إنك تنقله معك للفيلا أو الشقة.

بعد فترة بسيطة، راح تلاحظ إن تفاعلك يزيد، والمتابعين يبدأون يسألونك عن الأسعار والمواقع وحتى طلبات خاصة هنا تعرف إنك ماشي صح.

الاستمرارية أهم من كل شيء. لو نزلت 3 مقاطع أسبوعيًا بشكل ثابت، مع الوقت اسمك بيكبر وثقتك تزيد.

والنقطة الأهم: لا تقلد أحد خلي محتواك يشبهك أنت السوق مليان مسوقين لكن قليل اللي يقدمون أسلوب صادق ومباشر بدون مبالغة وهذا هو اللي يجذب العميل الحقيقي.

في النهايه السوشل ميديا فرصة مجانية لو استغليتها صح. ومع الوقت بيصير عندك عملاء، علاقات، ومشاريع ما كنت تتوقع توصل لها. المهم تبدا والباقي بييجي لحاله